ՀՀ ԿԳՄՍ նախարարության աջակցությամբ «Հայկական հատուկ օլիմպիադաներ» հասարակական կազմակերպությունն օրերս անցկացրել է «Ֆուտբոլը բոլորի համար» խորագիրը կրող միջոցառումը:
Միջոցառմանն ընդհանուր առմամբ մասնակցել է 99 մարզիկ, որոնցից 85-ը՝ կրթության առանձնահատուկ պայմանների կարիք ունեցող: Մասնակցել են նաև 32 ուղեկցող–կամավորներ։ Միջոցառումը սպասարկել է 3 մրցավար։
Մրցաշարին մասնակցել են Երևանի Հրանտ Դինքի անվան թիվ 44 հիմնական դպրոցի, Վաղարշ Վաղարշյանի անվան թիվ 80 դպրոցի, Ֆրիտյոֆ Նանսենի անվան թիվ 150 հիմնական դպրոցի, Ներսես Մեծի անվան թիվ 124 հիմնական դպրոցի, «Մխիթար Սեբաստացի» կրթահամալիրի, Աբովյանի կրթահամալիրի, Աբովյանի թիվ 7 հիմնական դպրոցի, «Այաքս» ֆուտբոլային ակադեմիայի և «Արև մոդելներ» ներառական կազմակերպության սաները։
Մրցաշարի արդյունքներով հաղթողի կոչմանն արժանացել է «Մխիթար Սեբաստացի» կրթահամալիրի թիմը, երկրորդ տեղը զբաղեցրել է Երևանի Հրանտ Դինքի անվան թիվ 44 հիմնական դպրոցի թիմը, իսկ լավագույն եռյակը եզրափակել է Աբովյանի կրթահամալիրի թիմը:
-thumbnail.jpg)
-thumbnail.jpg)
-thumbnail.jpg)