Երևանի Կարեն Դեմիրճյանի անվան մարզահամերգային համալիրում նոյեմբերի 20-22-ը անցկացվելու է զինվորականների ըմբշամարտի աշխարհի 37-րդ առաջնությունը։ Առաջնությանը չեն մասնակցի ժամկետային զինծառայության մեջ գտնվող ըմբիշներ Մալխաս Ամոյանը, Արսեն Հարությունյանը, Վազգեն Թևանյանը, Արման Անդրեասյանը, Մանվել Խնձրցյանը, Վիգեն Նազարյանը, Գևորգ Թադևոսյանը, Կնյազ Իբոյանը։

Վերոնշյալի առնչությամբ հայտարարությամբ է հանդես եկել ՀՀ ԶՈՒ ԳՇ ֆիզիկական պատրաստության և սպորտի ծառայության պետ, գնդապետ Արման Դավթյանը։ Նա նշել է, որ Հայաստանը առաջնորդվել է ռազմական սպորտի միջազգային կանոնադրության բոլոր կետերի պահպանմամբ։

«Այլ մարզիկներ ներգրավելու պարագայում շահարկումներ կլինեին»,- ասել է նա։