ՀՀ ՊՆ-ից հայտնում են, որ նախարար Սուրեն Պապիկյանը պարգեւատրել է 60 կգ քաշային կարգի մրցանակակիրներին։

60 կգ քաշային կարգում ՀՀ ԶՈՒ հավաքականի անդամ, ժամկետային զինծառայող Սուրեն Աղաջանյանը նվաճել է ոսկե մեդալ՝ դառնալով ըմբշամարտի զինվորականների աշխարհի առաջնության չեմպիոն:

67 կգ քաշային կարգի մրցանակակիրներին պարգևատրել է ՀՀ վարչապետի աշխատակազմի ղեկավար Արայիկ Հարությունյանը:

Այս քաշային կարգում Երևանում անցկացվող ըմբշամարտի զինվորականների աշխարհի առաջնության չեմպիոնի տիտղոսակիրը ՀՀ ԶՈՒ հավաքականի անդամ, ժամկետային զինծառայող Գասպար Տերտերյանն է: