Ես այդ հանձնաժողովի նկատմամբ վստահություն չունեմ, չեմ գնալու․ Տիրան Խաչատրյանը՝ 44-օրյայի քննիչ հանձնաժողովի մասին

16:30, 08 մայիս 2023

Այդ հանձնաժողովի նկատմամբ վստահություն չունեմ․ այս մասին այսօր ՀՀ ՊՆ 3-րդ բանակային կորպուսի նախկին հրամանատար Գրիգորի Խաչատուրով գործով դատական նիստից առաջ լրագրողների հետ զրույցում ասաց ԳՇ պետի նախկին տեղակալ Տիրան Խաչատրյանը։

Խաչատրյանը վստահեցրեց, որ պատրաստ է հանդիպել ցանկացած տեղ և ցանկացած պայմաններում, անգամ իշխանությունների նշած վայրում, քանի որ ինքը ոչինչից չի վախենում, պարզապես հանձնաժողովի նիստերին մասնակցելը ժամանակի անիմաստ կորուստ է։

«Եթե այդ հանձնաժողովում հավաքված է մի թիմ, որը շատ բաներում է մեղավոր, չեմ կարծում, թե դուրս կգան ու կբարձրաձայնեն իրենց մեղքը, իրենց չարածը կամ, առավել ևս, հանցագործությունները», - նշեց ԳՇ նախկին պաշտոնյան՝ հավելելով, որ այդ հանձնաժողովում հավաքված են զինվորական գործից անտեղյակ մարդիկ։