Հայտնի ռուս բլոգեր Իլյա Վարլամովի դեմ քրեական գործ է հարուցվել։ Այս մասին տեղեկություն է տարածել ՌԴ Քննչական կոմիտեն։

Հաղորդվել է, որ բլոգերի նկատմամբ գործ է հարուցվել օտարերկրյա գործակալների վերաբերյալ Ռուսաստանի Դաշնության օրենսդրությամբ նախատեսված պարտականություններից խուսափելու հոդվածով (ՌԴ Քրեական օրենսգրքի 330.1-րդ հոդվածի 2-րդ մաս):

Վարլամովին սպառնում է մինչև 2 տարվա ազատազրկում։

Նշենք, որ Իլյա Վարլամովը Ռուսաստանում օտարերկրյա գործակալ է ճանաչվել 2023 թվականի մարտին։ Արդարադատության նախարարությունը համարել է, որ նա ֆինանսավորում է ստացել արտերկրից և «կեղծ տեղեկություններ է տարածել պետական ​​մարմինների կայացրած որոշումների և նրանց կողմից իրականացվող քաղաքականության մասին»։