Ադրբեջանի Արտաքին գործերի նախարարությունը անդրադարձել է Դատախազության հայտարարությանն առ այն, որ ՀՀ սահմանը հատած ադրբեջանցի զինծառայողներից մեկը դատապարտվել է 11 տարի 6 ամիս ժամկետով ազատազրկման։
«Մենք խստորեն դատապարտում ենք Հայաստանի կեղծ «դատական գործընթացը» և, այսպես կոչված, «որոշումը» Ագշին Բաբիրովի ազատազրկման վերաբերյալ»,- հայտնել են Ադրբեջանի արտաքին գործերի նախարարությունից։
Ադրբեջանական կողմը նշել է, որ «Հայաստանը անտեսում է միջազգային մարդասիրական իրավունքով ստանձնած իր իրավական պատասխանատվությունը, պատանդներին ազատ արձակելու միջազգային հանրության կոչերը»։
«Հայաստանը շահագրգռված չէ հաշտեցմամբ»,- հայտնել են երկրի ԱԳՆ-ից։