Ռուսաստանը ստիպված է եղել օգտագործել «Օրեշնիկ» հրթիռը՝ ի պատասխան Բրյանսկի և Կուրսկի շրջանների վրա հեռահար հրթիռային հարձակումների, հայտարարել է ՌԴ նախագահ Վլադիմիր Պուտինը։
«Մենք ստիպված եղանք փորձարկել նորագույն ոչ միջուկային հիպերձայնային հարվածային «Օրեշնիկ» համակարգը մարտական պայմաններում, մենք ստիպված էինք, ինչպես արդեն ասացի, ի պատասխան արևմտյան զենքի հարձակումներին Բրյանսկի և Կուրսկի շրջանների վրա ATACMS և Storm Shadow հրթիռներով»,- ասել է Պուտինը ՀԱՊԿ Հավաքական անվտանգության խորհրդի նիստում։