Երբեմնի փառավոր հաղթանակները մսխված են, բանակը՝ անարգված, Հաղթանակի տոնը փառաբանելը հեգնանք է թվում, պետք է փառաբանել միայն պայքարը․ Սերժ Սարգսյան

10:01, 09 մայիս 2023

ՀՀ երրորդ նախագահ Սերժ Սարգսյանն ուղերձ է հղել Հաղթանակի և խաղաղության տոնի առթիվ, որը ներկայացնում ենք ստորև․

«Երբ ազատագրական պայքարում հայոց բանակի երբեմնի փառավոր հաղթանակները դավադրորեն մսխված են, բանակը՝ անարգված, իսկ խաղաղությունը՝ թշնամու դիպուկահարների նշանառության տակ առնված, Հաղթանակի և խաղաղության տոնը փառաբանելն այլևս հեգնանք է թվում, հեգնանք՝ սեփական ժողովրդի և պետության հանդեպ:

Այս իրավիճակում փառաբանել պետք է միայն ՊԱՅՔԱՐԸ, հայրենյաց նահատակների սխրանքներն ու Հայրենիքի անկախության և ազատության համար ՊԱՅՔԱՐԻ անխոնջ մարտիկներին:

Փա´ռք նրանց, որոնք կերտեցին և դեռ կերտելու են նոր հաղթանակներ:

Երախտագիտություն և խոնարհում նաև մեր հայրերի ու պապերի այն հերոսական սերնդի առջև, որը Հայրենական մեծ պատերազմում խորհրդային բազմազգ բանակի կազմում 78 տարի առաջ խորտակիչ հարված հասցրեց ֆաշիզմին և վճռեց պատերազմի ելքը՝ մերժելով բռնությունն ու բարբարոսությունը»:

Վերլուծական

Իր գրպանից 150 000 դրամը տալուց նեղվող Ավինյանը Երևանի բյուջեից 4 անիմաստ միջոցառման համար 1 մլրդ 865 հզր դրամ ծախսելիս բացարձակ չնեղվեց

23:48, 25 դեկտեմբեր 2024

Տեսնես՝ «Գազպրոմը» Ռուսաստանում նո՞ւյնն է անում

Վերլուծական