Ռուսաստանի և ԿԺԴՀ-ի միջև Համապարփակ ռազմավարական գործընկերության համաձայնագիրը ուղղված է Հյուսիսարևելյան Ասիայում նոր պատերազմի վտանգը նվազեցնելուն, ասել է պաշտպանության նախարար Անդրեյ Բելոուսովը, ով պաշտոնական այցով գտնվում է Փհենյանում։

«Այն կոչված է կայունացնող դեր խաղալ տարածաշրջանում ուժերի հավասարակշռության պահպանման գործում և, իհարկե, հիմք դնել թերակղզում Եվրասիական անվտանգության նոր համակարգին»,- ասել է Բելոուսովը հյուսիսկորեացի գործընկեր Նոհ Գվանգ Չեոլի հետ բանակցություններում։

Նրա խոսքով, հունիսին Փհենյանում Վլադիմիր Պուտինի և Կիմ Չեն Ընի հանդիպման արդյունքները ցույց տվեցին «փոխվստահության ամենաբարձր մակարդակը», ինչպես նաև «միջազգային բարդ իրավիճակում փոխշահավետ համագործակցությունն էլ ավելի ընդլայնելու փոխադարձ ցանկությունը»։