Վրաստանի արդարադատության նախարարության ավելի քան 500 աշխատակիցներ ստորագրել են «Վրացական երազանք»-ի կողմից Եվրամիությանն անդամակցության գործընթացի կասեցումը դատապարտող հայտարարություն։

Հայտարարության մեջ նշվում է, որ Արդարադատության նախարարության աշխատակիցները կարևոր ներդրում են ունեցել եվրաինտեգրման և վիզային ռեժիմի ազատականացման գործընթացում, ուստի այդ գործընթացի կասեցումը «շատ ցավալի» է  նրանց համար։

«Վրաստանի՝ Եվրոպային ինտեգրման կասեցումը դուրս է քաղաքական ճաշակի հարցից։ Սա ակնհայտորեն հակասում է Վրաստանի Սահմանադրությանը և մեր երկրի բնակչության մեծամասնության հռչակած նպատակին։ Արդարադատության պալատի աշխատակիցները կարևոր ներդրում են ունեցել եվրաինտեգրման և վիզային ռեժիմի ազատականացման գործընթացում։ Ուստի մեզ համար շատ ցավալի է դադարեցնել այս գործընթացը։

Մենք հավատում ենք, որ եվրոպական և եվրատլանտյան ինտեգրումը մեր երկրի անվտանգության և ինքնիշխանության և նրա լուսավոր ապագայի ամրապնդման միակ միջոցն է: Մենք ծառայում ենք Վրաստանին և անվերապահորեն պաշտպանում նրա սահմանադրությունը»։ - ասվում է հայտարարության մեջ։