Արգիշտի Քյարամյանը, եթե դավաճան է փնտրում, գլխավոր դավաճանի տեղը լավ գիտի։ Եթե ունի այդքան համարձակություն, թող գնա եւ բացահայտի։ Բայց, քանի որ ինքը գլխավոր դավաճանի կամակատարն է, պարզ է՝ ինչ ընթացք է ունենալու այս ամենը։ Այս մասին այսօր լրագրողների հետ զրույցում ասաց ՀՅԴ ԳՄ ներկայացուցիչ Իշխան Սաղաթելյանը՝ անդրադառնալով դավաճանների վերաբերյալ ՔԿ նախագահի այսօրվա հայտարարություններին և ընդգծելց, որ Գերագույն գլխավոր դավաճանը նստած է Կառավարության շենքում, ինչի բոլոր փաստերն ու հիմքերն Արգիշտի Քյարամյանն ունի։
Սաղաթելյանի խոսքով՝ 5-րդ շարասյուն այսօր, բնականաբար, կա, և դա «Նիկոլն է՝ իր շրջապատով»։
«Ամեն ինչ այնքան պարզ է, անիմաստ է մտնել էս զրույցների մեջ։ Ամեն ինչ պարզ է, ամեն ինչ հստակ է՝ ՀՀ իշխանության ղեկին գտնվում է անսրբություն, անհայրենիք, թրքահպատակ մի խունտա, որը հետևողականորեն ջարդելով մեր երկրի դիմադրողականությունը, շարունակելով թշնամու քաղաքականությունը, զիջում է ամեն ինչ»,-ասաց Սաղաթելյանը՝ հիշեցնելով, որ առաջնայինն այն է, թե ինչպես են ազատվում այս իշխանություններից։
Արգիշտի Քյարամյանը գլխավոր դավաճանի տեղը լավ գիտի, բայց քանի որ նա գլխավոր դավաճանի կամակատարն է, պարզ է՝ ինչ ընթացք է ունենալու այս ամենը․ Իշխան Սաղաթելյան
15:43, 09 մայիս 2023