Երևանի թիվ 28 մանկապարտեզից «Արաբկիր» ԲԿ տեղափոխված 4-ամյա երեխայի մահվան դեպքով քրեական վարույթ է նախաձեռնվել հանկարծամահության հատկանիշներով։ Այս մասին Hayastan.news-ը տեղեկացավ ՀՀ Քննչական կոմիտեից։

«Դեպքի առթիվ քրեական վարույթ է նախաձեռնվել քրեական օրենսգրքի 155-րդ հոդվածի 1-ին մասով՝ հանկարծամահության հատկանիշներով և այս պահին իրականացվում է նախաքննություն։

Մահվան պատճառները պարզելու նպատակով դիակի դատաբժշկական փորձաքննություն  է նշանակվել։ Այս պահին քննչական գործողություններ են իրականացվում նաև մանկապարտեզի բուժանձնակազմի հետ»,-ասաց ՔԿ խոսնակ Գոռ Աբրահամյանը։