Իրանի նախագահ Մասուդ Փեզեշքիանիի Ռուսաստան այցի նախապատրաստական ​​աշխատանքները շարունակվում են։ Այս մասին ասել է Կրեմլի մամուլի քարտուղար Դմիտրի Պեսկովը։ Նրա խոսքով, Իրանի նախագահի Ռուսաստան այցը մինչեւ տարեվերջ ներառված չի եղել նախագահ Վլադիմիր Պուտինի ժամանակացույցում։

«Սակայն Փեզեշքիանիի Ռուսաստան այցի նախապատրաստական ​​աշխատանքները շարունակվում են, քանի որ Մոսկվան ու Թեհրանը մտադիր չեն հետաձգել համապարփակ ռազմավարական գործընկերության համաձայնագրի ստորագրումը։ Կողմերն իսկապես մտադիր չեն հետաձգել համաձայնագրի ստորագրումը։  Անհրաժեշտության դեպքում նման շփումները կարող են շատ արագ կազմակերպվել։ Այցը նախապատրաստվում է, նախապատրաստական ​​աշխատանքներ են ընթանում»,- ասել է Կրեմլի ներկայացուցիչը։