Սիրիայի նախագահ Բաշար ալ-Ասադը գտնվում է իր երկրում և չի լքել այն։ Այս մասին հայտնել են Ասադի գրասենյակից, փոխանցում է РИА Новости-ն։

Նախագահի գրասենյակը հայտնել է, որ որոշ արտասահմանյան լրատվամիջոցներ լուրեր են տարածում Ասադի՝ Դամասկոսից հեռանալու կամ այս կամ այն ​​երկիր կարճատև այցերի մասին։ «Սիրիայի Արաբական Հանրապետության նախագահի գրասենյակը հաստատում է, որ նախագահը շարունակում է իրականացնել իր աշխատանքային, ազգային և սահմանադրական պարտականությունները մայրաքաղաք Դամասկոսից», - նշվում է հաղորդագրության մեջ։

Ավելի վաղ՝ դեկտեմբերի 7-ին, հաղորդվել էր, որ Եգիպտոսի և Հորդանանի իշխանությունների ներկայացուցիչները դիմել են Ասադին՝ շտապ հեռանալ երկրից և վտարանդի կառավարություն ստեղծել։ The Wall Street Journal-ը գրել է, որ պետության ղեկավարը մնում է Սիրիայում, սակայն անցյալ շաբաթ նրա ընտանիքը լքել է Սիրիան։

Ասադի ընտանիքը մեկնել է արտերկիր․ նրա կինն ու երեխաները Ռուսաստանում են, իսկ փեսաները՝ ԱՄԷ-ում