ԱՄՆ-ն անհանգստացած է Սիրիայում իրավիճակի զարգացմամբ՝ ահաբեկիչների հզորացման սպառնալիքի տեսանկյունից, ասել է ԱՄՆ նախագահի ազգային անվտանգության հարցերով խորհրդական Ջեյք Սալիվանը։

«Սա անհանգստության տեղիք է տալիս», - ասել է նա Կալիֆորնիայում ազգային պաշտպանության ֆորումում ունեցած ելույթի ժամանակ՝ պատասխանելով հարցին, թե արդյոք ԱՄՆ պաշտոնյաները անհանգստացած են Սիրիայում տեղի ունեցող իրադարձություններով:

Սալիվանը հավելել է, որ Վաշինգտոնը մտահոգված է Սիրիայում իրավիճակի հնարավոր ազդեցությամբ Մերձավոր Արևելքի տարածաշրջանի վրա։