Ազգային առաջնորդարանը կոչ է անում Սիրիայում ապրող հայերին լինել զուսպ և զգուշավոր այս փոփոխությունների փուլում, բնակարաններից դուրս գալ միայն անհրաժեշտության դեպքում։

Նշվում է, որ Սիրիայում հայ համայնքը միշտ եղել է և պետք է մնա սիրիական հայրենիքի բարօրության և բարգավաճման սատարողը, երկրի տարածքային ամբողջականության և սիրիական ընկերության տարբեր բաղադրիչների խաղաղ գոյակցության ջատագովը։

Շեշտվում է, որ սիրիահայությունը համատեղ աշխատանքով պիտի շարունակի աջակցիլ Սիրիան վերականգնելու բազմաբնույթ աշխատանքներին։