Թուրքիայի նախագահ Ռեջեփ Թայիփ Էրդողանը մեղադրել է Սիրիայի նախագահ Բաշար ալ-Ասադին փախուստի համար՝ Սիրիան թողնելով ավերակների մեջ։

«Ասադը փախել է Սիրիայից՝ թողնելով բազմաթիվ քաղաքներ ավերակների տակ», - ասել է թուրք առաջնորդը երկուշաբթի կառավարության նիստից հետո ժողովրդին ուղղված ուղերձում։

Ավելի վաղ պետական ​​հեռուստատեսությունը գրաված Սիրիայի զինված ընդդիմության ներկայացուցիչները եթեր էին դուրս եկել՝ պնդելով, որ իրենք վերահսկողություն են հաստատել երկրի վրա։ Սիրիայի վարչապետ Մուհամեդ Ղազի ալ-Ջալալին ասել է, որ ինքը մնում է երկրում մի քանի նախարարների հետ, բայց իրենք չգիտեն, թե որտեղ է պաշտպանության նախարարը։  ՌԴ ԱԳՆ-ն ավելի ուշ հայտնել է, որ Սիրիայի նախագահ Բաշար ալ-Ասադը սիրիական հակամարտության մի շարք մասնակիցների հետ բանակցություններից հետո որոշել է հրաժարական տալ և լքել Սիրիան՝ ցուցումներ տալով խաղաղ ճանապարհով փոխանցել իշխանությունը, մինչդեռ Ռուսաստանը չի մասնակցել բանակցություններին։