ՀԱՊԿ անդամ երկրները, որոնք չեն կատարում կազմակերպության ֆինանսավորման իրենց պարտավորությունները, կարող են զրկվել ձայնի իրավունքից։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ մեկնաբանելով Հայաստանի շուրջ ստեղծված իրավիճակը։

Ինչպես պարզաբանել է դիվանագետը, նման միջոցառումների հիմք կարող է հանդիսանալ երկու տարվա ընթացքում չմարված պարտքը։ Այս մոտեցումը, հավելել է նա, նման է ՄԱԿ-ի պրակտիկային:

Զախարովան ընդգծել է, որ ՀԱՊԿ-ի ֆինանսավորումը պարտադիր է բոլոր մասնակից երկրների համար, իսկ կազմակերպության բյուջեն ձևավորվում է ընդհանուր ներդրումների միջոցով։

«Ռուսաստանը հոգում է ՀԱՊԿ-ի բյուջեի կեսը, իսկ մյուս մասնակիցները՝ 10%-ով, նախատեսված չէ վճարումների մերժման կամ ուշացման ցանկացած ձև. ընթացիկ տարվա համար չփոխանցված գումարները կազմում են պարտք»,- նշել է նա։

Դիվանագետը հավելել է, որ երկամյա պարտքի դեպքում պետությունը կարող է զրկվել ՀԱՊԿ-ում ձայնի իրավունքից։ Այս մեխանիզմը, ըստ Զախարովայի, նման է ՄԱԿ-ում գործող կանոններին։