Դատարանը Ռուսաստանում գտնվելու ռեժիմը խախտելու համար երկրից կվտարի Կրասնոդարի դպրոցում դանակով իր հասակակիցների վրա հարձակում գործած դեռահասի ծնողներին, ովքեր Հայաստանի քաղաքացիներ են։ Այս մասին հաղորդում է Կուբանի դատարանների միասնական մամուլի ծառայությունը։

Ըստ իշխանությունների՝ դեկտեմբերի 6-ի երեկոյան թիվ 94 դպրոցի մասնաճյուղում տեղի ունեցած կոնֆլիկտի հետևանքով երկու դեռահաս է դանակահարվել։ Քրեական գործ է հարուցվել խուլիգանության հատկանիշներով։ 

Չորեքշաբթի օրը դատարանը մերժել է խուլիգանության մեջ կասկածվող դպրոցականին ձերբակալելու միջնորդությունը։ Նրա նկատմամբ խափանման միջոց է ընտրվել որոշակի գործողությունների արգելքի տեսքով՝ արգելվում է դպրոց հաճախել և օգտվել ինտերնետից։

Ինչ վերաբերում է նրա ծնողներին, ապա ՌԴ-ում ապօրինի բնակություն հաստատած ՀՀ քաղաքացիները կենթարկվեն 2000 ռուբլու չափով տուգանքի և հարկադիր արտաքսման։

Պարզաբանվում է, որ նրանք Հայաստանի քաղաքացիներ են և մեղավոր են ճանաչվել Ռուսաստանի Դաշնության տարածքում գտնվելու ռեժիմը խախտելու մեջ։