Գրենլանդիայի վարչապետ Մութ Էգեդեն, ի պատասխան ԱՄՆ նորընտիր նախագահ Դոնալդ Թրամփի խոսքերին Վաշինգտոնի կողմից կղզու սեփականության իրավունքի «բացարձակ անհրաժեշտության» մասին, ասել է, որ Գրենլանդիան չի վաճառվում և երբեք չի վաճառվի։

«Գրենլանդիան մերն է: Մենք չենք վաճառվում և երբեք չենք վաճառվելու: Մենք չպետք է կորցնենք ազատության համար մեր երկար պայքարը», - ասել է Էգեդեն Reuters-ին տված գրավոր մեկնաբանություններում:

Թրամփը նախկինում «բացարձակ անհրաժեշտություն» էր անվանել Միացյալ Նահանգների համար Գրենլանդիայի սեփականությունը՝ այսպիսով մեկնաբանելով Դանիայում ԱՄՆ նոր դեսպան նշանակելու իր որոշումը՝ Շվեդիայում ԱՄՆ նախկին դեսպանին և ձեռնարկատեր Քեն Հաուերին:

Գրենլանդիան եղել է Դանիայի գաղութը մինչև 1953 թվականը։ Այն մնում է թագավորության կազմում, սակայն 2009 թվականին ստացել է ինքնավարություն՝ ներքաղաքական կյանքում ինքնակառավարման և անկախ ընտրության հնարավորությամբ։