ՌԴ պաշտպանության նախարարությունը հերքել է շփման գծի տարբեր հատվածներում պաշտպանության բեկման մասին հայտարարությունները, հայտնել են ռազմական գերատեսչությունից։

«Առանձին Telegram-յան  ալիքներով տարածված հայտարարությունները շփման գծի տարբեր հատվածներում տեղի ունեցած «պաշտպանական բեկումների» մասին իրականությանը չեն համապատասխանում»,- նշել են նախարարությունից։

Ըստ ՌԴ ՊՆ-ի հատուկ ռազմական գործողության գոտում` Կուպյանսկի, Զապորոժիեի և Խերսոնի ուղղություններում, ակտիվ ռազմական գործողություններ չեն իրականացվում։

Ռուսաստանի Դաշնության զինված ուժերը մայիսի 11-ին Մոսկվայի ժամանակով ժամը 22:00-ի դրությամբ Կրասնոլիմանսկի ուղղությամբ հակառակորդի վաշտային մարտավարական խմբերի կողմից հետ են մղել երկու հարձակում։