Մեկնարկել է մանկապարտեզներում տեսահսկման համակարգերի տեղադրման գործընթացը։ Այս մասին հայտարարել է Երևանի քաղաքապետ Տիգրան Ավինյանը ամփոփիչ ասուլիսի ընթացքում։
«Սա շատ կարևոր է երեխաների նկատմամբ հնարավոր բռնության, ոչ պատշաճ վերաբերմունքի մասին խոսակցությունները բացառելու համար»,- ասել է քաղաքապետը։
Նա նշել է՝ վերհսկողությունը իրականացնելու է քաղաքապետարանի համապատասխան վարչությունը, դրանք հասանելի չեն լինելու բոլորի համար։