Հրաժարականի դիմում դեռ չեմ ներկայացրել: Վերջնական որոշումը կկայացնեմ դեկտեմբերի 30-ին: Այս մասին NEWS.am Sport-ի թղթակցի հետ զրույցում ասաց ԿԳՄՍ փոխնախարար, մարզական հեռուստամեկնաբան Կարեն Գիլոյանը:

Համացանցում շրջանառվում են տեղեկություւններ, ըստ որոնց սպորտի փոխնախարարը հրաժարականի դիմում է ներկայացրել:

«Ես հրաժարականի դիմում չեմ ներկայացրել և շարունակում եմ պաշտոնավարել որպես ԿԳՄՍ փոխնախարար: Միտք ունեմ հրաժարական տալու:

Մի քանի ուրիշ ծրագրեր էլ ունեմ մասնավորի հետ: Մի քանի տասնյակ միլիոնների ներդումներ է լինելու: Իմ շատ հարազատ ընկերների ցանկությունն է, որ մնամ սպորտում, փորձենք ակումբային սպորտը զարգացնել:

Այնպես, որ այս ամենը դեռ բանակցությունների փուլում է, ես հրաժարականի դիմում չեմ ներկայացրել: Որոշումս կկայացնեմ Նոր տարուց հետո»,- ասաց փոխնախարարը:

Կարեն Գիլոյանը ՀՀ ԿԳՄՍ նախարարի տեղակալ նշանակվել է 2020 թ. դեկտեմբերի 29-ին։