Ադրբեջանական ինքնաթիռի կործանումից հետո այդ երկիրը պահանջներ է ներկայացրել Ռուսաստանին. պատժել ինքնաթիռի միջադեպի մեղավորներին և փոխհատուցում տրամադրել:

Այս մասին հայտնել է Ադրբեջանի նախագահ Իլհամ Ալիևը: Լրատվամիջոցների փոխանցմամբ` արդեն այդ պահանջները փոխանցվել եբ ռուսական կողմին պաշտոնապես:

Ալիևը նաև հայտնել է, որ ՌԴ-ից ներողության պահանջ են ունեցել, ինչն արվել է:

Ալիևը, հավանաբար նկատի ունի ՌԴ նախագահ Պուտինի հեռախոսազանգն իրեն և այդ զրույցը:

Նշենք, որ ադրբեջանական Embraer 190 ինքնաթիռը, որը Բաքվից Գրոզնի չվերթ էր իրականացնում, կարող էր խոցվել Ռուսաստանի ՀՕՊ կողմից: Բաքվից Գրոզնի թռչող Azerbaijan Airlines ավիաընկերության ինքնաթիռը վթարի է ենթարկվել դեկտեմբերի 25-ի առավոտյան՝ Ղազախստանի Ակտաու քաղաքի մոտակայքում: Ինքնաթիռում եղել է 62 ուղևոր և անձնակազմի հինգ անդամ: