Թուրքիան կարող է  այլընտրանք դառնալ Եվրոպայի համար Ուկրաինայի տարածքով ռուսական գազի տարանցումը դադարեցնելուց հետո, Անկարան կարող է «կապույտ վառելիք» արտահանել տարբեր երկրներ, հինգշաբթի գրել է Hürriyet թերթը։

Նշենք, որ չորեքշաբթի օրը «Գազպրոմը» հայտարարել է, որ զրկված է Ուկրաինայի տարածքով տարանցման համար գազ մատակարարելու տեխնիկական և իրավական հնարավորությունից, քանի որ «Ուկրաինայի Նավթոգազ» ՓԲԸ-ի հետ պայմանագրի ժամկետը լրանում է, ռուսական գազը չի մատակարարվի հունվարի 1-ից։

«Ռուսաստանի և Ուկրաինայի միջև ստեղծված վերջին իրավիճակը ավելի կամրապնդի Թուրքիայի դիրքերը՝ որպես անվտանգ այլընտրանք: Թուրքիան որոշ ժամանակ աչքի է ընկել որպես անվտանգ գազի փոխադրման ճանապարհ: Դա պայմանավորված է ոչ միայն իր աշխարհագրական դիրքով, այլև գազային ենթակառուցվածքների առկայությամբ»,-գրում է թերթը:

Հրատարակությունը նշում է, որ Թուրքիան նաև եվրոպական շուկաներ ավելի շատ գազ արտահանելու ներուժ ունի։