QR ուղետոմսերի վավերականության ժամկետը 4 օր դարձնելը համակարգի ծանրաբեռնվածությունն է կրճատում։ Այսպես է մեկնաբանում առկա խնդիրը Երևանի քաղաքապետի տեղակալ Սուրեն Գրիգորյանը։

Նշենք, որ ավելի վաղ ուղետոմսերի վավերականության ժամկետը 7 օր էր։

«Բովանդակային առումով կարող եմ նշել, թե ինչի համար են այդ փոփոխությունները։ Երբ տոմսային համակարգերը գործարկվում են, ենթադրվում է, որ 1 անձն ունենում է 1 կրիչ և դրանով է օգտվում։

Մեր դեպքում QR տոմսերը բազմաթիվ են, և եթե անձն օրինակ 2 անգամ է 1 օրում երթևեկում, ապա 2 կրիչ է գեներացնում։ Այդ դեպքում 1 ամսում 2 կրիչ գեներացնելը ծանրաբեռնում է համակարգը»,- ասել է Գրիգորյանը։