«Մենք ցանկանում ենք, որ Ադրբեջանն ու Հայաստանը կնքեն կայուն խաղաղության պայմանագիր»: Այս մասին տեղական և միջազգային լրատվամիջոցների ներկայացուցիչների համար ճեպազրույցում ասել է Թուրքիայի արտգործնախարար Հաքան Ֆիդանը։
«Պատմական հնարավորությունների պատուհան է բացվել տարածաշրջանում կայուն խաղաղության և բարգավաճման համար: Այս գործընթացը մենք ուս ուսի տանում ենք Ադրբեջանի հետ»,- ընդգծել է Ֆիդանը։
Նախարարն ասել է, որ Թուրքիան դատարկ արտաքին քաղաքականություն վարելու շանս չունի։