Ռուսաստանի և Իրանի միջև ռազմավարական համապարփակ համագործակցության մասին համաձայնագիրը ներառում է 47 հոդված և ընդգրկում է երկկողմ հարաբերությունների բոլոր ոլորտները, ասել է Մոսկվայում Իրանի դեսպան Քազեմ Ջալալին, ում խոսքերը մեջբերել է դիվանագիտական ​​առաքելության Telegram ալիքը։

 «Այս համաձայնագիրը պարունակում է ներածական մաս և 47 հոդված, այս համաձայնագրի ստորագրմամբ և իրագործմամբ մենք ականատես կլինենք մեր երկրների միջև բոլոր ոլորտներում համագործակցության մակարդակի բարձրացմանը»,- ասել է նա։

Ռուսաստանի և Իրանի միջև Համապարփակ ռազմավարական գործընկերության պայմանագիրը նախատեսված է փոխարինել հարաբերությունների հիմքերի և համագործակցության սկզբունքների վերաբերյալ գործող համաձայնագրին, որը ստորագրվել է դեռևս 2001 թվականին։ Նոր փաստաթղթի վրա աշխատանքներն ընթանում էին 2022 թվականից, անցյալ տարվա հունիսին հայտնի դարձավ, որ կողմերը համաձայնության են եկել դրա տեքստի շուրջ։