Չորեքշաբթի գիշերը Բաթումիի «Շերատոն» հյուրանոցում հարձակվել են «Հանուն Վրաստանի» ընդդիմադիր կուսակցության առաջնորդ, նախկին վարչապետ Գիորգի Գախարիայի վրա, հայտնում են վրացական լրատվամիջոցները։ Գախարիային տեղափոխել են տեղի հիվանդանոց։

Միջադեպի մանրամասները լրատվամիջոցները չեն հայտնել, սակայն, ըստ ընդդիմադիր մամուլի, ծեծին մասնակցել են երկրի իշխող «Վրացական երազանք» կուսակցության պատգամավորները։ Հիվանդանոցից լրագրողներին տեղեկացրել են, որ Գախարիայի վիճակը ընդհանուր առմամբ կայուն է, և բժշկական օգնություն ստանալուց հետո նա իր կամքով լքել է հիվանդանոցը։