Այսօր մեծանուն հայի, մեր ընտրանու նախկին ավագ, «Ինտերի» կիսապաշտպան Հենրիխ Մխիթարյանի ծննդյան օրն է:

Նա նշում է 36-ամյակը:

«Ինտերն» այդ առնչությամբ հրապարակում է արել պաշտոնական էջերում.«Շնորհավոր ծնունդդ, Հենրիխ» գրությամբ:

Հենրիխ Մխիթարյանը ծնվել է 1989 թվականի հունվարի 21-ին Երևանում՝ Մարինա Թաշչյանի և Համլետ Մխիթարյանի ընտանիքում։ Մխիթարյանի հայրը՝ Համլետ Մխիթարյանը, ով 1980-ականների Երևանի «Արարատ» ֆուտբոլային ակումբի հայտնի հարձակվողներից էր, մահացել է 33 տարեկան հասակում՝ գլխուղեղի ուռուցքից։

Նա ֆուտբոլային կարիերան սկսել է «Փյունիկ» ակումբում, այնուհետև տեղափոխվել է Ուկրաինա, որտեղից էլ եվրոպական թոփ ակումբներ: 

2024-ին 12-րդ անգամ Հայաստանի լավագույն ֆուտբոլիստ է ճանաչվել Մխիթարյանը։

Մխիթարյանն այժմ ապրում է Իտալիայում, ամուսնացած է Բեթի Վարդանյանի հետ, երկու երեխայի հայր է: