Պնդում եմ, որ նախագծի մեջ մտցվի նորմ, համաձայն որի՝ Ադրբեջանի կողմից օկուպացված տարածքներում մնացած տրանսպորտային միջոցների սեփականատերերը ևս գույքահարկ չվճարեն։ Այս մասին ԱԺ-ում ելույթ ունենալիս ասել է ՔՊ-ական պատգամավոր Արմեն Խաչատրյանը։

«Ինչպես նաև ԼՂ բռնի տեղահանման ժամանակ ՀՀ շատ քաղաքացիների տրանսպորտային միջոցներ մնացել են այնտեղ, այդ մարդիկ գույքահարկի հետ կապված խնդիրներ են ունենում։

Գույքահարկի ազատման ժամանակահատվածը պետք է լինի այն ժամանակահատվածը, երբ փաստացի առևանգվել է տրանսպորտային միջոցը կամ դրա սեփականատերը կորցրել է այն տնօրինելու հնարավորությույնը»,-ասաց Խաչատրյանը։