Շատ հստակ նշվել է, մեկ-երկու կետ կա, որտեղ հայկական զորքերն են, սահմանային տարածքներում, հստակ սահմանազատում պետք է լինի։ Այս մասին լրագրողների հետ հանդիպմանն ասաց ԵՄ դեսպան Անդրեա Վիկտորինը՝ պատասխանելով հարցին, թե ԵՄ-ն որ փուլում է պատկերացնում, որ Ադրբեջանը պետք է զորքերը դուրս բերի ՀՀ սուվերեն տարածքից և խոսում են երկու կողմերից էլ զորքերը դուրս բերելու մասին, Հայաստանի առումով ի՞նչ նկատի ուներ, ՀՀ զորքերն, ըստ էության,  ՀՀ տարածքում են։

ԵՄ դեսպանը նշեց՝ պարզապես կրկնում է Բրյուսելում օգտագործված ձևակերպումը։

«Հուսով եմ, որ երեկվա հանդիպումը շատ թարմ նկարագիր է տվել քննարկվող հարցերին։ Հուսով եմ, որ շուտով կհանգենք որակլյալ լուծման, դա էլ կհանգեցնի տարածքային ամբողջականության հարգման, որն էլ ենթադրում է զորքերի դուրսբերում»,- ասաց դեսպանը։

Հարցին՝ կարող է նշել որ մեկ-երկու կետերում են ՀՀ զորքերը, որոնք պետք է դուրս բերվեն, ԵՄ դեսպանը նշեց․ «Ոչ, ես մանրամասներին ծանոթ չեմ, լսել եմ բանակցություններից»։

Հետևեք Hayastan.news-ի տելեգրամյան ալիքին այստեղ