Բաքվում այսօր շարունակվել է Արցախի նախկին պետնախարար Ռուբեն Վարդանյանի շինծու դատավարությունը։ Նա դատարանի դահլիճում միջնորդությունները թվարկելիս նշել է, թե չի կարողացել հանգամանորեն ծանոթանալ քրեական գործի նյութերին, և դատարանին խնդրել է լրացուցիչ 30 աշխատանքային օր տրամադրել իրեն պաշտպանությանն արդյունավետ նախապատրաստելու համար։

«Ես ցանկանում եմ պատրաստ լինել օրինական կերպով ինձ պաշտպանելու»,- ըստ ադրբեջանական լրատվամիջոցների՝ հավելել է նա։

Ռուբեն Վարդանյանի շինծու գործով հաջորդ դատական նիստը նշանակվել է փետրվարի 6-ին։