Երևանի ավագանու արտահերթ նիստը, որում քննարկվում է 2025թ փետրվարի 1-ից մեկ ուղևորության համար 150 դրամ արժեքով նոր ուղետոմս ներդնող որոշման նախագիծը, հարթ չընթացավ, ավագանու ընդդիմադիր և իշխանական անդամների միջև վեճ սկսվեց: 

«Արմենպրես»-ի հաղորդմամբ՝ ավագանու անդամները բանավեճի բռնվեցին քննարկվող հարցի վերաբերյալ, այնուհետև իրարանցում սկսվեց: Քաղաքապետ Տիգրան Ավինյանը հրավիրեց ոստիկանությանը: 

Նա ավագանու ընդդիմադիր անդամներից մեկին զրկեց նիստին մասնակցելու իրավունքից:

Ավինյանը 15 րոպե ընդմիջում հայտարարեց, մինչև իրավիճակը նիստերի դահլիճում հանդարտվի: