Ադրբեջանի պետական անվտանգության ծառայությունը հայտարարել է երկրի երկու քաղաքացիների ձերբակալության մասին, որոնք մեղադրվում են Հայաստանի հատուկ ծառայությունների համար աշխատելու մեջ:

«Քրեական պատասխանատվության է ենթարկվել 1980-ին ծնված Ռաշադ Ահմեդովը, որը կասկածվում է պետական դավաճանության և ահաբեկչական դիվերսիա իրականացնելու մեջ։ Ահմեդովն ապրել է երրորդ երկրի տարածքում և կատարել հայկական հատուկ ծառայությունների առաջադրանքները: Ահմեդովը ներգրավել է 1991-ին ծնված Ռովշան Ամիրովին և մի շարք այլ անձանց, ովքեր տեսանյութեր են պատրաստել Ադրբեջանի տարածքային ամբողջականության դեմ կոչով, դրանք տարածել Youtube-ում: Ահմեդովը հայկական հատուկ ծառայությունների հանձնարարությամբ նաև այլ դիվերսիոն գործողություններ է իրականացրել Ադրբեջանի դեմ », - ասվում է հաղորդագրությունում։

Ահմեդովի և Ամիրովի նկատմամբ խափանման միջոց է կիրառվել կալանավորումը։