ԱՄՆ նոր վարչակազմի վերջին բացահայտումները արտաքին օգնության չարաշահման մասին ազդանշան են Վրաստանի համար։ Այս մասին լրագրողներին տված հայտարարության մեջ ասել է երկրի խորհրդարանի նախագահ Շալվա Պապուաշվիլին։

Նրա խոսքով, առաջիկա 2 ամիսների ընթացքում աշխատանք է տարվելու օրենսդրական փոփոխությունների վրա՝ ժողովրդավարության ամրապնդման, ապատեղեկատվության դեմ պայքարի և պետական ​​կառույցների գործունեությանը արտաքին միջամտությունը սահմանափակելու համար։

«Պարզվեց, որ որոշ օտարերկրյա կազմակերպություններ ֆինանսական ռեսուրսներն օգտագործում են սեփական շահերն առաջ տանելու համար։ Պարզվեց, որ նույնիսկ որոշ միջազգային լրատվամիջոցներ են ֆինանսավորվել այդ նպատակով»,- նշել է Պապուաշվիլին։

Նա հավելեց, որ այս իրավիճակը օրենսդրության բարելավման ուղղությամբ կոնկրետ քայլեր ձեռնարկելու անհրաժեշտություն է ստեղծում։