Կրթության, գիտության,մշակույթի և սպորտի նախարարությունը նախագիծ է ներկայացրել, որչով առաջարկում է ֆուտբոլիստ Էրիկ Ամիրխանյանի ևբռնցքամարտիկ Էրիկ Իսրայելյանի տարկետման իրավունքները դադարեցնել։
Այս մասին Hayastan.news-ը տեղեկանում է նախարարության ներկայացրած նախագծերից։

Նախագծով առաջարկվում է աադարեցնել սպորտի բնագավառում նշանակալի նվաճումներ ունենալու համար  Էրիկ Կարենի Ամիրխանյանին (ծնվ՝ 18.03.2004 թ ), տրված տարկետումը՝ Հայաստանի Հանրապետության ֆուտբոլի  մինչև 19 տարեկանների  հավաքական թիմի կազմում  ընդգրկված չլինելու  հիմքով:

Մեկ այլ նախագծով առաջարկվում է դադարեցնել սպորտի բնագավառում նշանակալի նվաճումներ ունենալու համար Էրիկ Արամի Իսրայելյանին   (ծնվ.` 2004  թվականի  հոկտեմբերի  25-ին) տրված տարկետումը՝ Հայաստանի  Հանրապետության բռնցքամարտի հավաքական թիմի կազմում ընդգրկված չլինելու  հիմքով:

Ուժը կորցրած ճանաչել Հայաստանի Հանրապետության կառավարության 2022  թվականի դեկտեմբերի 29-ի «Սպորտի բնագավառում նշանակալի նվաճումներ ունեցող մի շարք քաղաքացիների շարքային կազմից պարտադիր զինվորական ծառայության 2022 թվականի  ձմեռային  զորակոչից տարկետում տալու մասին» № 2062-Ա որոշման  հավելված N 1-ի համապատասպան կետերը։

Հետևեք Hayastan.news-ի տելեգրամյան ալիքին այստեղ