ԱՄՆ նախագահ Դոնալդ Թրամփը հայտարարել է, որ Ռուսաստանի առաջնորդ Վլադիմիր Պուտինի հետ հեռախոսազրույց է ունեցել, քննարկել է Ուկրաինայի հակամարտության կարգավորման հարցը։

«Ես կգերադասեի չխոսել այդ մասին», - ասել է Թրամփը The New York Post-ին Air Force One ինքնաթիռում, երբ նրան հարցրել են, թե քանի անգամ է նա խոսել Ռուսաստանի առաջնորդի հետ:

Ամերիկացի առաջնորդը չի հստակեցրել, թե կոնկրետ երբ է խոսել ՌԴ նախագահի հետ։

Պարզ չէ՝ զրույցը եղել է Թրամփի երդմնակալությունից առաջ, թե հետո։

Փետրվարի 7-ին ՌԴ նախագահի մամուլի քարտուղար Դմիտրի Պեսկովը հայտարարել է, որ Կրեմլը կտեղեկացնի Ռուսաստանի և ԱՄՆ առաջնորդներ Վլադիմիր Պուտինի և Դոնալդ Թրամփի միջև շփումների կազմակերպման առաջընթացի մասին։