Պետդումայի պատգամավոր Նիկոլայ Վալուևը «ՌԻԱ Նովոստի»-ին ասել է, որ սադրանք չի համարում Ադրբեջանի իշխանությունների՝ իր մուտքը երկիր արգելելու որոշումը։

Երկուշաբթի օրը Ադրբեջանի արտգործնախարարության խոսնակ Այհան Հաջիզադեն հայտարարել է, որ Ադրբեջանի իշխանություններն արգելել են Պետդումայի պատգամավոր Նիկոլայ Վալուևի մուտքը երկիր։

Ավելի վաղ Վալուևը քննադատել էր Բաքվում ռուսական տունը փակելու Ադրբեջանի ծրագրերը։

«Սա սադրանք չեմ համարի, Արևելքը նուրբ հարց է, ցանկացած առաջնորդ, արևելյան, այդ թվում՝ Ադրբեջանինը, մենք այն համարում ենք արևելյան հանրապետություն, պետք է համապատասխանի իր կայացած պատմական ավանդույթներին։ Առաջին հերթին նա (Ադրբեջանի ղեկավարը – խմբ.) ներկայացնում և պաշտպանում է իր ժողովրդին, նրանք ունեն իրենց կանոնները և իրենց կանոնադրությունը»,- ասել է Վալուևը։