Հայտնի ռեփեր Սնուփ Դոգը Երևանում նախատեսված, բայց այդպես էլ չկայացած համերգի համար ստացած հոնորարը ամբողջությամբ վերադարձրել է «Դոպինգ Սփեյս» ընկերությանը։ Տեղեկանում ենք Մրցակցության պաշտպանության հանձնաժողովի հրապարակած փաստաթղթից։

Նշենք, որ Կառավարությունը որոշել էր 6մլն դոլար ծախսել, որպեսզի լսեն Սնուփ Դոգին:

Սնուփ Դոգի՝ 2023 թվականի սեպտեմբերին նախատեսված, այնուհետև չեղարկված համերգի կազմակերպման ֆինանսավորման վերաբերյալ Մրցակցության պաշտպանության հանձնաժողովը վարույթ էր հարուցել առերևույթ արգելված պետական օժանդակության հատկանիշներով։ ՄՊՀ-ն որոշել է կարճել վարույթը: