ԱՄՆ-ը սխալ հաշվարկ է անում Մերձավոր Արևելքի հարցում, Վաշինգտոնը դրանից ոչինչ չի շահի, հայտարարել է Թուրքիայի նախագահ Ռեջեփ Թայիփ Էրդողանը։

Ավելի վաղ ԱՄՆ նախագահ Դոնալդ Թրամփը հայտարարել էր, որ ԱՄՆ-ը «վերահսկելու է» Գազայի հատվածը և պատասխանատու կլինի տարածաշրջանի վերականգնման աշխատանքների համար, ինչպես նաև այն կվերածի «Միջին Արևելյան Ռիվիերայի» ամբողջ աշխարհի համար։ Միաժամանակ նա Գազայի հատվածն անվանել է քանդման վայր և հայտարարել, որ բնակիչները պետք է ընդմիշտ մեկնեն այլ երկրներ՝ առաջարկելով, մասնավորապես, Հորդանանը կամ Եգիպտոսը իրենց բնակության համար։

Նա նաև չի բացառել, որ ԱՄՆ-ը կարող է իր բանակն ուղարկել Գազա և խոստացել է, որ անձամբ կայցելի այդ հատվածը։

«Ցավոք, Ամերիկայի Միացյալ Նահանգները սխալ հաշվարկներ է անում մեր տարածաշրջանի վերաբերյալ, չպետք է լինի այնպիսին, որ անտեսի այս աշխարհագրության պատմությունը, արժեքները։ Ձևացնելով, թե այստեղ տառապանքը չկա, Միացյալ Նահանգները ոչինչ չի շահում: Սիոնիստների ստերը ու այս աշխարհագրության վրա խաղալը արյունահոսող վերքերից բացի ոչինչ չի բերի։ Սա սխալ ճանապարհ է։ Հավատալ, թե ինչ է ասում Նեթանյահուն, որի դատավարությունը դեռ շարունակվում է իր երկրում, միայն արյունահեղության կհանգեցնի տարածաշրջանում: Մենք դա շատ պարզ տեսնում ենք», - ասել է թուրք առաջնորդը լրագրողներին ինքնաթիռում իր «ասիական շրջագայությունից» վերադառնալիս։