ՌԴ իրավապահ ուժերը ներխուժել են Մոսկվայի  «Savoy» հյուրանոցը, որտեղ երեկույթ էր անցկացվում Սուրբ Վալենտինի օրվա առթիվ, և որտեղ պետք է ելույթ ունենար հասարակական, քաղաքական գործիչ Իրինա Խակամադան։

Այս մասին ՏԱՍՍ-ին հայտնել են իրավապահ մարմինները։ «Սավոյ» հյուրանոցում գործողություն է իրականացվել, այդ թվում՝ արգելված նյութերը հայտնաբերելու ուղղությամբ։  Իրավապահները ստուգել են հյուրերի փաստաթղթերը։ Մի քանի հոգի տարվել են բաժին», - ասել է գործակալության աղբյուրը՝ չհստակեցնելով՝ կան ձերբակալվածներ, թե ոչ։

Նա նաեւ չի բացահայտել միջոցառման բոլոր նպատակները։ Անվտանգության ուժերի մեկ այլ աղբյուր հավելել է, որ միջոցառման որոշ այցելուների նկատմամբ վարչական արձանագրություններ կկազմվեն, այդ թվում՝ ալկոհոլի և թմրանյութերի ազդեցության տակ գտնվելու համար։ Նա նաև չի հստակեցրել, թե ստուգման արդյունքում քանի այցելու է բերման ենթարկվել։