Որոշ քաղաքացիներ տարբեր դրդապատճառներով շարունակում են չվճարել ուղևորափոխադրման համար: Այս մասին ասել է Երևանի քաղաքապետ Տիգրան Ավինյանը քաղաքապետարանի գործակարգավարական նիստում։

«Կարելի է անընդհատ առիթից օգտվել, ընդդիմության ստեղծած նարատիվներով առաջնորդվել ու անտեսել վճարման պահանջը, բայց ուզում եմ բոլորը գիտակցեն՝ չվճարելով ստեղծում են որոշակի խնդիրներ «Երևանի ավտոբուս» ՓԲԸ-ում և դա որևէ արդարացում չունի»,-նշել է Ավինյանը:

Նա վարորդներին իր աջակցությունն է հայտնել։

«Ովքեր մի փոքր ավելի են վճարում, պետք է իմանան՝ վճարում են 1-ին և 2-րդ կարգի հաշմանդամություն ունեցող անձանց համար, նաև, որպեսզի զոհված զինծառայողների ծնողները, երեխաները և այրին տրանսպորտից օգտվեն անվճար»,-ասել է նա և հավելել, որ 850.000 քաղաքացու համար սահմանված է արտոնություն։