Հայաստանի և Ադրբեջանի միջև խաղաղության ապահովումը մեծապես օգուտ կբերի ողջ աշխարհին։ Այս մասին ասել է Ադրբեջանում Թուրքիայի դեսպան Բիրոլ Աքգյունը՝ ելույթ ունենալիս «Տեխնոլոգիաների աշխարհաքաղաքականությունը» թեմայով ակադեմիական սեմինարի ժամանակ, որը տեղի է ունեցել Խազարի համալսարանում։

«Տարածաշրջանում խաղաղության հաստատումը մեծապես օգուտ կբերի ոչ միայն տարածաշրջանի երկրներին, այլեւ ողջ աշխարհին»,-ասել է նա։

Աքգյունն ասել է, որ «Թուրքիայի քայլերը, հատկապես արդյունաբերական ոլորտում, որոնք հիմնված են տեղական արտադրության և անօդաչու թռչող սարքերի վրա, բեկումնային պահ են ստեղծել պատերազմի դոկտրիններում և ռազմավարական առավելությունների նոր պատուհան բացել երկրի համար».

«Սա Թուրքիայի համար կարեւոր է ոչ միայն ազգային անվտանգության, այլեւ բարեկամ ու դաշնակից երկրների հետ հարաբերությունների խորացման տեսանկյունից։ Այս համատեքստում Թուրքիայի և Ադրբեջանի համագործակցությունը ռազմավարական նշանակություն ունի։ Թուրքիան և Ադրբեջանը ավելի արդյունավետ հարաբերություններ ունեն պաշտպանական և էներգետիկ ընդհանուր քաղաքականության հետ»,-ասել է նա։