Վաշինգտոնը պետք է դադարեցնի անվերջ ծախսերը Կիևին տրամադրվող օգնության վրա. Truth Social սոցիալական ցանցում նման կարծիք է հայտնել ԱՄՆ նախագահի որդին՝ Թրամփ կրտսերը։

«Եկեք դադարեցնենք կյանքի անիմաստ կորուստն ու անվերջ ծախսերը պատերազմի վրա, որը մեզ համար շատ քիչ նշանակություն ունի»,- գրել է նա՝ մեկնաբանելով նույն սոցիալական ցանցում հոր գրառումը։ Դրանում Վաշինգտոնի վարչակազմի ղեկավարը Վլադիմիր Զելենսկիին դիկտատոր է անվանել՝ Ուկրաինայում ընտրություններ անցկացնելուց հրաժարվելու համար։ Բացի այդ, Թրամփը ընդգծել է, որ Վլադիմիր Զելենսկին «համոզել է ԱՄՆ-ին ծախսել 350 միլիարդ դոլար՝ մտնելու մի պատերազմի մեջ, որը հնարավոր չէր հաղթել, որը չպետք է սկսվեր»։

ԱՄՆ նախագահը երեքշաբթի ասել է, որ Ուկրաինային ընտրություններ են պետք, եթե նա ցանկանում է նստել սեղանի շուրջ՝ հակամարտությունը լուծելու համար։ Նա նաև ուշադրություն է հրավիրել Ուկրաինայում Զելենսկու ոչ ժողովրդականության վրա։