Հայաստանի Հանրապետության համայնքային բյուջեներն 2018 թվականից ի վեր կրկնապատկվել են՝ աճելով 136 միլիարդ դրամով կամ 106 տոկոսով։

«Արմենպրես»-ի հաղորդմամբ՝ այս մասին կառավարության նիստում հայտարարեց ՀՀ վարչապետ Նիկոլ Փաշինյանը։

«Մենք անընդհատ խոսում ենք պետական բյուջեի եկամուտների աճի մասին, բայց Հայաստանի Հանրապետությունում, բացի պետական բյուջեից, կան նաև համայնքային բյուջեներ։ Իսկ ինչ է տեղի ունեցել 2018 թվականից ի վեր Հայաստանի Հանրապետության համայնքային բյուջեներում։ Ճշգրիտ տեղի է ունեցել այն, ինչ պետական բյուջեում։ Այսինքն՝ համայնքային բյուջեները 2018 թվականից ի վեր կրկնապատկվել են։ Աճը կազմել է 106 տոկոս։ Համայնքային բյուջեները Հայաստանի Հանրապետությունում 136 միլիարդ դրամով աճել են»,- ասաց Փաշինյանը։