Ադրբեջանի կառավարությունը կարգադրել է կասեցնել BBC News-ի ադրբեջանական  ծառայության գործունեությունը Բաքվում։

BBC-ի այսօր տարածած հաղորդագրության մեջ ասվում է, որ որոշում է կայացվել փակել գրասենյակը՝ Ադրբեջանի ԱԳՆ-ից բանավոր հրահանգ ստանալուց հետո:

BBC-ի խոսնակը Ադրբեջանի կառավարության որոշման վերաբերյալ ասել է.

«Մենք խորապես ցավում ենք մամուլի ազատության դեմ ուղղված այս սահմանափակող քայլի համար։ BBC-ն հայտարարել է, որ այս որոշումը կխոչընդոտի իր հաշվետու գործունեությանը Ադրբեջանում»: