Վրաստանի խորհրդարանը այս շաբաթ կքննարկի «Լրատվամիջոցների մասին» նոր օրենքի նախագիծը։

Նշվել է, որ օրենսդրական նախաձեռնությունը հիմնված է լինելու Միացյալ Թագավորության լրատվամիջոցների օրենսդրության վրա և սահմանելու է լրատվամիջոցների օբյեկտիվության պաշտպանությունը, ինչպես նաև լրագրողական էթիկայի չափանիշները։

Իշխող «Վրացական երազանք» կուսակցության ներկայացուցիչ, խորհրդարանական խմբակցության փոխնախագահ Իրակլի Կիրցխալիան լրագրողներին ասել է, որ նոր օրենքը կոչված է կանխելու լրատվամիջոցներում ապատեղեկատվության, զրպարտության, ապակառուցողական և ատելության խոսքի տարածումը։

«Վերջին տարիներին և հատկապես վերջին ամիսներին մենք լսում ենք ապատեղեկատվություն, զրպարտություն, ապակառուցողական կոչեր որոշ լրատվամիջոցներից, հատկապես՝ կուսակցական ուղղվածություն ունեցող լրատվամիջոցներից։ Անհրաժեշտ է կարգավորել նման իրավիճակները և բարելավել լրատվական միջավայրը։ «Նոր օրենքը կծառայի հենց այս նպատակին»,- ընդգծել է Կիրցխալիան։

Օրինագծի մանրամասների և դրա ազդեցության շրջանակների վերաբերյալ կանցկացվեն հետագա քննարկումներ։