Քացաքացիները փակել էին Կոտայքի մարզի Ողջաբերդ գյուղի ճանապարհը։ Բնակիչները պահանջում են հետ վերադարձնել գյուղի վարչական ղեկավար Աշոտ Մուշեղյանին, որի լիազորությունները կասեցվել են ամիսներ առաջ։

«Նա աշխատել է 2 տարի, գյուղի համար արել է այնքան բան, որ չի արվել նախկին ղեկավարի ժամանակ 30 տարվա ընթացքում: Հիմա չգիտես ինչու, մեր մարզպետը իրեն գործից հանել է՝ պատճառաբանելով, որ իրավապահ մարմինների հետ ունեցել է խնդիրներ։ Հիմա, երբ արդեն քրեական վարույթը չկա, Աշոտ Մուշեղյանն էլ արդարացվել է, իմանում ենք, որ նոր գյուղապետ են նշանակել»,- ասել է ակցիայի մասնակիցներից մեկը։

Ակցիայի մասնակցի խոսքով, համայնքապետի լիազորությունները ժամանակավոր էին կասեցվել և այդ ամիսների ընթացքում գյուղի արոտավայրերն օտարվել են, բնակիչներն այդ մասին որևէ տեղեկություն չեն ունեցել։