Սիրիայի ղեկավարությունը շահագրգռված է նպաստել երկրում նորմալացմանը՝ առանց աշխարհաքաղաքականության միջամտության, հայտարարել է ՌԴ ԱԳ նախարար Սերգեյ Լավրովը։

«Մենք գիտենք, որ Սիրիայի ղեկավարությունը, և դա մեզ հաստատեցին Քաթարի մեր զրուցակիցները, շահագրգռված է ապահովելու աջակցությունը բարեփոխումներին, երկրում իրավիճակի կարգավորման գործընթացներին հավասարաչափ,  և հավասարակշռված, որպեսզի ոչ ոք չփորձի այդ գործընթացները ստորադասել իր աշխարհաքաղաքական նպատակներին»,- ասել է Լավրովը։

Նախարարն ընդգծել է, որ Սիրիան այլևս չի ցանկանում լինել տարածք, որտեղ լուծվում են արտաքին խաղացողների աշխարհաքաղաքական խնդիրները։